Tuesday 30 September, 2014
Headline

Mido Idol Top 4 ah Lalbiakmuana inhlangkai

Mizo Idol vawi thumna neih mekah Serchhip District atanga Top 10 a tling te zing ami TBC Lalsanglura, Thenzawl chu tla tawh mahse Serchhip ami tho Lalbiakmuana Chhiahtlang a awm chu Top 4 ah a inhlangkai thung.

Nizan a Top 5 intihsiakna result puanah Biakmuana hi a la inhlangkai chho zel a, mipui lawm pawh a hlawh hle. Biakmuana hi mi tam tak chuan Mizo Idol anih chhoh theih mai pawh an ring hlawm. Hetih lai hian Chhiahtlang lamah chuan boruak a lian tan hle a, mithahnem ngai intelkhawm ten Mizo Idol Committee te dinin Zoram hmun hrang hranga mite pawh Biakmuana Vote tur hian an insawm mek hlawm a ni. Tunah hian Mizo Idol intihsiaknaah hian Judge ten Vote an nei tawh lova mipui te Vote SMS atanga result hi innghat anih tawh avangin Idol a la tling hote hi Vote hmuh tamah an inel nasa hle tawh a ni. Chhiahtlang mipuite chuan Zoram hmun hrang hranga Biakmuana tantute leh Serchhip mipuite chu Biakmuana Vote theihna ZOHUB MIZO IDOL 308 tih 56161 emaw 56767 ah emaw lo Vote theuh turin an ngen.

Hetih lai hian TBC Lalsanglura Thenzawl chu vawiin hian an khuaah a haw dawn a, Thenzawl ah ropui taka amah lawmna lo siam tum a ni.

What Next?

Recent Articles